Хабарландыру

Нұр-Сұлтан қаласының Білім басқармасы хабарлайды: 22.01.2021 жылы ауа райының қолайсыздығына байланысты қала мектептерінің ЕКІНШІ ауысымындағы 0-4 сынып оқушылары үшін сабақ қашықтықтан оқыту форматына ауысады.

 

Хабарландыру

Нұр-Сұлтан қаласының Білім басқармасы хабарлайды: 22.01.2021 жылы ауа райының қолайсыздығына байланысты қала мектептерінің БІРІНШІ ауысымындағы 0-4 сынып оқушылары үшін сабақ қашықтықтан оқыту форматына ауысады.

Пресс-релиз

Нұр-Сұлтан қаласының Білім Басқармасы «Шектеу шаралары (карантин) кезеңінде Нұр-Сұлтан қаласының мектепке дейінгі ұйымдарына мемлекеттік білім беру тапсырысын қаржыландыру көлемі мен мөлшерін бекіту туралы»

Нұр-Сұлтан қаласы әкімдігінің қаулы жобасын әзірледі.

Қалыптастырудың негізі , шектеу шаралары (карантин) кезеңінде Нұр-Сұлтан қаласының мектепке дейінгі ұйымдарында мемлекеттік білім беру тапсырысын қалыптастыру, қаржыландыру көлемі мен мөлшерін бекіту.

Осыған орай, 2021 жылғы 18 қантарда сағат 10:00-де Бейбітшілік к-сі,11 бойынша Нұр-Сұлтан қаласы Білім басқармасының 719 кабинетінде аталған жобаға реттеушілік әсерді талдау нәтижелеріне қоғамдық талқылау өтеді.

Кәсіптік және техникалық білім беру ұйымдарындағы екінші жарты жылдық

Екінші семестрден бастап кәсіптік және техникалық білім беру ұйымдарындағы 1 курстың 8223 студенті аралас форматтаоқиды деп жоспарлануда. Яғни, пәндердің70%-ы штаттық режимде, 30%-ы қашықтықрежимде өтеді.
Колледждердің 100%-ы білім берудің ақпараттық ресурстарында жұмыс істейді.

Штаттық режимде оқыту 15 студенттен аспайтын шағын топтарда жүргізіледі (аудиторияның толтырылуы 50% – дан аспайды).

Штаттық режимде практикалық және зертханалық сабақтар (физика, химия, математика және т.б.), қашықтықтан оқыту режимінде – тарих, қазақ, орыс және ағылшын тілдері, өзін-өзі тану, мәдениеттану, әлеуметтану және т. б. пәндер бойыншадәріс сабақтары өткізіледі.

Өндірістік оқыту және кәсіптік практика, зертханалық жұмыстар және практикалық сабақтар толық немесе ішінара кәсіпорындар базасында немесе техникалық және кәсіптік білім беру ұйымдарында (мамандықтардың ерекшелігіне байланысты) шағын топтарда қашықтықты сақтай отырып жүргізіледі.

Аралас форматта оқытуды ұйымдастыру кезінде:
1) аудиториялық дәрістердің кестесі олардың басталу және аяқталу уақыты көрсетіліп жеке жасалады;
2) аудиториядағы дәрістер кемінде 1,5 метр қашықтықты және бетперде режимін сақтай отырып жүргізіледі;
3) сабақтар арасындағы үзіліс әрбір топ үшін жеке ұйымдастырылады;
4) кітап үлестіру жөніндегі жұмысты қоспағанда, кітапханалардағы оқу залдары жабылады;
5) санитариялық-гигиеналық талаптарды сақтау туралы студенттерге, педагогтерге, өндірістік оқыту шеберлеріне, ата-аналарға нұсқаулық жүргізіледі;
6) медицина қызметкері күн сайын студенттер мен басқа да қызметкерлердің денсаулығына бақылау жүргізеді.

Студенттерді жатақханада орынмен қамтамасыз ету- қаладағы 2 693 орынға арналған 15 жатақхана есебінен шешіледі. Барлық жатақханадан орынға мұқтаж 1281 студент жатақханамен қамтамасыз етіледі.

Білім алушыларға арналған Жаңа жылдық мереке

Қазіргі таңда көптеген ата-аналарды білім беру ұйымдарында жаңа жылға арналған мерекелік шаралар қалай өтеді деген сұрақ мазалайтынын білемін.

Жаңа жыл – бұл жай ғана мереке емес, бұл әр бала үшін ғажайыптың белгісі іспеттес. Жаңа жыл қарсаңында білім беру ұйымдарында бұрын шыршалар безендіріліп, әдемі киімдерсіз және тәтті сыйлықтарсыз өткізілмейтін.
Алайда, карантиндік шектеу шараларына байланысты білім беру ұйымдарында жоғарыда аталған іс-шараларды өткізуге жол берілмейді.

Бүгінгі күні мектепке дейінгі ұйымдарда әрбір топта барлық санитарлық талаптарды сақтай отырып, ата-аналардың қатысуынсыз «Қош келдің,Жаңа жыл» тақырыбында мерекелік сабақтар өткізілуде. Жаңа жылдық сабақтарды өткізу үшін топтар тақырыпқа сәйкес безендірілген. Әр топқа шырша мен ертегі кейіпкерлері орнатылды. Мерекелік сабақтардың сценарийіне сәйкес әр бала мерекелік киіммен қатысады.

Сонымен қатар, Қазақстан Республикасы Президентінің және Нұр-Сұлтан қаласы әкімінің атынан мектеп оқушыларына жаңа жылдық сыйлықтарды табыстаубойынша жұмыстар ұйымдастырылуда.

ҚР Президентінің атынан жаңа жылдық сыйлық жиынтығы ата-анасының қамқорлығынсыз қалған жетім балалар мен ерекше білім беру қажеттіліктері бар 200 балаға беріледі. Кеше, 24 желтоқсанда балаларға жаңа жылдық сыйлықтар, яғни -Президенттің құттықтау хаты, кітап және «Орчестра» дүкендерінен киім сатып алуға 100 мың теңгеге сертификат, тәттілер мен үстел ойыны табысталды.

Сонымен қатар, 25 желтоқсан күні Нұр-Сұлтан қаласы әкімінің атынан жаңа жылдық сыйлық жиынтықтары аз қамтылған, көп балалы және толық емес отбасылардан шыққан балаларға, және әр түрлі жетістіктерге жеткен дарынды 450 балаға табысталады. (құттықтау ашық хаты, «Орчестра» дүкендерінен киім сатып алуға 50 мың теңгеге сертификат, тәтті сыйлық, үстел ойыны).

Балаларға жаңа жылдық сыйлықтарды Аяз Ата мен Ақшақар санитарлық нормаларды сақтай отырып, баланың үйіне барып салтанатты түрде табыстайды.
Жаңа жылдық іс-шаралар барлық білім беру ұйымдарында бекітілген жоспарға сәйкес онлайн форматта өтеді.

ІІІ тоқсанның ерекшелігі

11 қаңтардан бастап оқу жылының үшінші тоқсаны басталады. 1-5 сынып оқушылары кезекші сыныптар режимінде оқуларын жалғастырады.

Cонымен қатар, III тоқсанда бітіруші 9 және 11 (12) сынып оқушылары аралас форматта 15 адамнан аспайтын кезекші сыныптар режимінде оқуды бастайды деп жоспарлануда. Нақты шешім ең алдымен қаламыздағы эпдемиялогиялық жағдайға байланысты болады.

Оффлайн өтетін сабақ кестесіне кіретін пәндер:
— Орыс тілі мен әдебиеті
— Қазақ тілі мен әдебиеті
— Шет тілі
— Алгебра
— Геометрия
— Физика
— Химия
— Биология
— География
— Қазақстан тарихы
— Дүниежүзі тарихы.
Бұл оқыту пәндерінің 70% – ын құрайды.

Пәндердің 30%-ы қашықтан оқытылады:
— Информатика
— Өзін – өзі тану
— Дене шынықтыру
— Құқық негізі
Алғашқы әскери технологиялық дайындық.

Вариативті компоненттің пәндері кестеге сәйкес асинхронды түрде жүргізіледі.

Мектептерде икемді сабақ кестелері жасалып, сабақтар арасындағы үзілістер әр сынып үшін әр түрлі уақытта ұйымдастырылады. Сабақ уақыты 30 минуттан аспайды, үзіліс 5 минуттан.

Сабақ кестесін құру кезінде жоғары сынып оқушыларының жас ерекшеліктері, олардың қабілеттері мен қажеттіліктері, сондай-ақ 11-сынып оқушыларының жаңартылған білім беру мазмұнына көшуі және кіріктірілген сабақтарды өткізу мүмкіндігі ескеріледі.

Сондай-ақ, сабақтан тыс уақытта оқушылардың оқудағы олқылықтарының орнын толтыру және қорытынды аттестаттауға дайындық үшін 5 адамнан аспайтын топтарда жеке консультациялар ұйымдастырылады. Бұл консультацияларға оқушылар қажеттілігене қарай ата-аналардың келісімімен қатысуына болады.

Елордалық команда халықаралық мегаполис олимпиадасында жақсы нәтиже көрсетті

Мегаполистер олимпиадасы – жыл сайын Мәскеу қаласында өткізілетін халықаралық командалық жарыс. Оған әлемнің ірі қалаларынан14-18 жастағы балалар қатысады. Биыл 16-20 желтоқсан аралығында V халықаралық мегаполис олимпиадасы онлайн режимінде өтті. 

Әр қаладан сегіз қатысушыдан ұсынылады. Олар физика, химия, математика және информатика бағыттары бойынша білімдерін сынайды. Бұл жарыс блиц-турдан және екі негізгі сайыстан тұрады.

Блиц-тур барысында әр командаға 80 тапсырма ұсынылды, мұнда жауаптарының дұрыстығы ғана емес, жылдамдық та маңызды. Онымен қоса оқушыларға бар болғаны екі сағат берілді. Блиц-тур бұл – дербес жарыс, оның нәтижелері жалпы есепте ескерілмейді.

 Олимпиадаға 31 ірі мегаполистен оқушылар командасы қатысты. Нұр-Сұлтан қаласынан әр пән бойынша 2 оқушыдан бір команда құралды.

Блиц-турнирде жеңімпаз атанған елордалық оқушылар жалпыкомандалық үшінші орынды иеленді. Жеке есепте оқушылар 3 күміс және 3 қола медальмен марапатталды.

– Раушанов Марлен – «Білім инновация лицейі» 11сынып оқушысы – математика пәні бойынша күміс медаль;
– Сейсенкул Бакдаулет – «Білім инновация лицейі» 11сынып оқущысы – химия пәні бойынша күміс медаль;
– Канатулы Аманбол, «NURORDA», мектеп лицейі 11сынып оқушысы – информатика пәні бойынша күміс медаль ; 
– Женис Алиби, «NURORDA» мектеп лицейі 11 сынып оқушысы – математика пәні бойынша қола медаль;
– Назарбай Нурдаулет – «NURORDA» мектеп лицейі 10 сынып оқушысы – физика пәні бойынша қола медаль;
– Аширбек Едыге – «NURORDA» мектеп лицейі 10 сынып оқушысы – информатика пәні бойынша қола медаль

Жеңімпаздар мен жүлдегерлерді жеңістерімен құттықтаймыз!

Нұр-Сұлтанда білім беру саласының мамандары үшін практикалық психология апталығы басталды

Бес күндік іс-шараны қашықтан «Астана дарыны» дарындылық пен психологиялық қолдауды дамыту орталығы өткізеді.

Апта бойы колледждердің, мектептердің, мектепке дейінгі білім беру мекемелерінің педагог-психологтары мен оқушылары, олардың ата-аналары үшін түрлі тақырып алаңы жұмыс істейтін болады. Мақсаты – елордалық психологиялық қызметтің шығармашылық әлеуетін дамытуға бағытталған ағартушылық-профилактикалық іс-шаралар арқылы психологиялық-педагогикалық мәдениетті арттыру.

Курс бағдарламасына оқып жатқан жастарды педагогикалық қоғамдастықтың дамуы мен оны жүзеге асыруына ықпал ететін психологиялық мәдениетке бейімдеу сабақтар кіреді. Тыңдаушыларға елордалық білім берудің өзекті мәселелерін шешудегі психологиялық қызметтің әлеуметтік мәртебесі мен рөлін арттыру, педагог-психологтардың ішкі ресурстарын анықтау туралы айтылады. Сондай-ақ, қатысушылар мұғалімдер мен ата-аналардың тәрбиелік дағдыларын, олардың мүмкіндіктеріне деген сенімін арттыру әдістерін түсіндіреді. Сонымен қатар, педагог-психологтардың аутодеструктивті мінез-құлықтың алдын алу және «Z ұрпақ» балаларының өмірлік позитивті дағдыларын дамыту бойынша тәжірибесін анықтау және тарату мәселелері талқыланатын болады.

Айта кетейік, Қазақстан психологтар қауымдастығының шешімімен, Вильгейм Вунд эксперименттік психологияның бірінші зертханасының ашылу құрметіне 25 желтоқсан елімізде «Психологтар күні» болып жарияланды. Осыған байланысты «Астана дарыны» дарындылық пен психологиялық қолдауды дамыту орталығы жыл сайын атаулы күнге практикалық психология апталығын өткізеді.